असोज दोस्रो साता मौन
बहिरा
जोडीको प्रेम कथा समेटिएको फिल्म ‘मौन’ आगामी असोज ११ गतेबाट अल नेपाल
रिलिज हुने भएको छ । क्वार्क फिल्म र आकाश–आदित्य इन्टरटेनमेन्टको व्यानरमा
निर्मित फिल्म युनिटले बिहीबार राजधानीमा पत्रकार सम्मेलनको आयोजना गरी
फिल्म रिलिजको घोषणा गरेको हो । फिल्ममा बहिरा बनेका नायिका नम्रता श्रेष्ठ
र नायक अर्पण थापाको रोमान्सलाई दर्शकले हेर्न पाउनेछन् ।
कार्यक्रममा
नायिका श्रेष्ठले सांकेतिक भाषा पुर्खाहरुको भएपनि गहिराइमा पुगेर यसको
अध्ययन गर्न आफूलाई केही गाह्रो भएको बताइन् । नायक थापाले फिल्म दर्शकलाई
बुझाउन भन्दा पनि हेरेर अनुभव गराउने उद्देश्य रहेको बताए । ‘संसारमा नयाँ
सम्बन्ध कसरी बन्छ भन्ने कुरालाई मनोवैज्ञानिक रुपमा प्रस्तुत गरिएको छ ।’
उनले भने । निर्देशक सुरज भुषालले आफुले नौलो किसिमको फिल्म बनाएकाले आफु
मौन रुपमा बस्ने बताए । निर्देशक भुषाले यसअघि ‘व्याच नम्बर १६’, ‘धन्दा’,
‘काठमाडौं (स्पेनिस फिल्म)’ र ‘ढुवानी’मा मुख्य सहायक निर्देशक भई काम
गरिसकेका छन् ।
0 comments
Write Down Your Responses